30 қаңтар күні Дубай қаласында (Біріккен Араб Әмірліктері) 160 шақырым қашықтықта өткен халықаралық CEI 3*деңгейіндегі төзімділік ат жарысы аяқталды.

Бұл жарыс қазан айында Сауд Арабиясында өтетін Әлем чемпионатына іріктеу кезеңі болды.

Халықаралық дәрежедегі спорт шебері Наталья Долгих Қазақстан намысын абыроймен қорғап, мықты спортшылар арасында 8-орынға ие болды. Осы нәтижесі арқылы ол алдағы Әлем чемпионатына жолдама жеңіп алды!

Бұл — әлемдік деңгейдегі додаға жасалған маңызды қадам.

Қазақстан Республикасының Ат спорты федерациясы Наталья Долгихті үлкен жетістігімен құттықтай отырып, алдағы жарыстарда ел абыройын асқақтататын жарқын жеңістер тілейді!