Президент мемлекеттің ішкі және сыртқы саясатының негізгі бағыттарын айқындайды. Ол Үкіметті қалыптастырады және Құрылтайдың келісімімен жоғары лауазымды тұлғаларды тағайындауға қатысады. Президент заң шығару бастамасы құқығына және вето қою құқығына ие. Оның өкілеттіктері билік жүйесінің тұрақтылығы мен үйлесімді жұмысын қамтамасыз етуге бағытталған.
Конституция Президент пен Құрылтай арасындағы өзара іс-қимыл тетігін бекітеді. Негізгі кадрлық шешімдер өкілді органның келісімімен қабылданады. Жекелеген мәселелер бойынша Құрылтайдың қайтадан бас тартуы оның таратылуына әкеп соғуы мүмкін. Мұндай модель тежеу мен тепе-теңдік жүйесін қалыптастырады.
Вице-Президент Президенттің Құрылтайдың келісімімен тағайындалады. Ол халықаралық және ішкі мәселелерде мемлекеттің және Президенттің атынан өкілдік етеді. Бұл лауазымды саяси немесе кәсіпкерлік қызметпен қатар атқаруға жол берілмейді. Вице-Президенттің өкілеттіктерінің көлемін Президент айқындайды.
Президент конституциялық қол сұғылмаушылыққа ие. Ол тек мемлекетке опасыздық жасаған жағдайда ғана жауапкершілікке тартылуы мүмкін. Президентті қызметінен шеттету рәсімі қатаң түрде регламенттелген және сот пен Құрылтайдың шешімдерін қамтиды. Бұл нормалар жоғары мемлекеттік биліктің құқықтық тұрақтылығын қамтамасыз етеді.
Конституцияның жаңа жобасы адамның құқықтары, бостандықтары мен қадір-қасиетін мемлекеттің басты құндылығы ретінде айқындайды. Азаматтардың әлеуметтік кепілдіктері мен құқықтық қорғалу деңгейі күшейтіледі. Сонымен қатар әділеттілік, заңдылық және қоғамдық келісім құндылықтары орнықты дамудың негізі ретінде бекітіледі.
30 қаңтар күні Дубай қаласында (Біріккен Араб Әмірліктері) 160 шақырым қашықтықта өткен халықаралық CEI 3*деңгейіндегі төзімділік ат жарысы аяқталды.
Уже совсем скоро в итальянских городах Милан и Кортина-д’Ампеццо стартуют XXV зимние Олимпийские игры. В главных соревнованиях четырехлетия планируется участие более 3 500 спортсменов из 93 стран мира.
